未曾有的視訊畢業典禮，以及台語致詞

前天（6/22）台大歷史系舉辦視訊畢業典禮。我來台大專任15年，幾乎每年都參加畢業典禮，也受邀講過好幾次話，雖然每次都認真準備這5、6分鐘的致詞，但我想很少學生會記住老師講了什麼話。今年我帶4年的導生要畢業，沒有特地為他們準備講話內容，很不好意思（太擔憂時局了）。

以下是我的台語致詞稿，以及重錄的音檔。台大歷史系老師用台語致詞，不知道是否第一次，但學生在先喔，2019年許毅全同學就以全台語發表畢業感言！

～～～～～～～～～～～～～～～～～～～～

各位同學，老師的導生，以及線頂的家長，大家好。

今阿日是同學的畢業典禮，你可能在心內tī-leh想，阿，這个老師ná講台語，你若聽有，就聽看māi-leh，若聽無，mā無要緊，我想大部分的人在伊後來的人生，攏袂記tit畢業典禮老師講過什麼話，就比如線頂的家長，敢還擱有人会記得結婚典禮那當時貴賓的致詞無？我想真少人会記tit，大家会記tit–ê，就是一个氣氛。

畢業典禮是一个儀式，儀式上（siōng/最）重要的 就是氣氛。講到氣氛，今年真特殊，因為疫情的關係，變成在線頂來舉辦，足親像過去「空中」的概念，今阿講是「視訊」（＋華語）。這是歷史上m̄ bak（不曾）發生的代誌，未來的世界会變成什麼款，乎人真擔心。去年正月 這个肺炎病毒還沒開始大穢大湠的之前，什麼人会知影 巴黎bē-tàng（不能）演歌劇neh，義大利bē-tàng去遊覽neh？誰会知影lán今阿日会在空中舉辦畢業典禮neh？

這的奸巧的病毒改變世界，未來充滿著無安定，到處攏是危機。你們今阿差不多22歲，後來的人生平均還有60年，一甲子，一定要真注意局勢的變化。台灣的未來和你們上有關係，一定要關心。假使你在歷史系若 無學著「歷史思維」（＋華語），mā袂赴阿，不過，上無要会曉看世界按怎tī變化。遠–ê，Tibet和Uygur，lán擱莫講，香港就明明在邊阿，這兩冬來他們的少年人用生命演乎你看，你若看無，he nā無法度。若看有，一定要想辦法保護lán台灣。最近的疫苗之亂，ē-tàng（可以）看出台灣真危險，tit-beh（快要）沉下去。Lín要學会曉看代誌，看世局。

由五月下旬到今阿，lán看到這的社会有一陣人，無理取鬧，枵（餓）飽吵，nā親像大人大種的紅嬰仔，華語講是「巨嬰」，其他 造謠啦、放假消息啦，兩面人啦，明明偷種珠，擱蹧躂珍貴的疫苗和贈送的國家，這我tī-tsia就莫擱講，我想要講的就是，這不是做人的基本道理，台灣過去的社会真重人情義理，最近在Youtube 限時觀看的舞台劇《人間條件》，吳念真編劇/導演–ê，真濟人看，伊有一個主題 就是tī講 台灣社会的道義觀的消失，打無去（bô–khì），這項代誌。這ē-tàng講是戰後黨國教育上負面的結局，已經是離譜到毋知欲安怎來講伊。假使戰前出時的前輩会得由安息的所在，醒起來，一定袂認tit這个社会：這敢是lán台灣？我想in（他們）会按呢問。Lín成長的環境真無仝，老師向望lín会當kā台灣社会本來好的物件，擱撿到轉來，愛做一個誠實、正直、bak（識）是非，有原則的人。

未來是lín ê，台灣社会的自由民主化，得來 真無簡單，mā不是真正穩固，還未到佛家語講的「bē退轉」（不退轉）的程度，隨時会打無去。香港曾經是我做學生的時，足欣羨的所在，真自由，什麼冊攏看会到，不過，今阿變成安呢，台灣一定愛保住自由民主，這就愛靠lán大家做伙來顧。另外，就是bē-tàng干單（kan-ta）想欲（beh）靠別國來kā lán保護，自己的所在自己一定要有才調來kā伊保護，這才實在，這才靠会著。如果這是lán ê本願，m̄-thang（毋要）肖想他力本願（＋華語）。自力本願，才是正途。

最後祝大家平安健康，lán ê島嶼 ē-tàng度過疫情的這的厄。祝福大家。感謝B06提供擷圖。

（這一張怎麼老師都在畫面上？）