烏克蘭224國難／台灣228國殤遊行

兩年前的今天，烏克蘭遭受俄羅斯侵略，至今抵抗戰爭仍未結束。

下午先到國際書展參加與高英傑老師的對談（我談高一生獄中家書），之後到行政院前面參加「228．0 誠實的歷史，健康的國家—228 七十七周年紀念行動」，這是我的短講內容，敬請參考：

各位前輩、有志、青年朋友：

今年是二二八 七十七周年紀念日，我認為現此時上重要的兩項工課就是，第一搶救歷史記持，第二發揚抵抗精神。

二二八第一遍民間勇敢公開紀念是四十周年的時，1987年二月，鄭南榕佮林宗正牧師𤆬領的台南二二八遊行，就是上重要的開始。由彼當時到今仔三十七冬，袂當紀念佮會當紀念，差不多欲平長，毋過，社會，尤其少年人對二二八越來越無感覺，甚至完全無認捌，這是咱真大的危機。因為沒歷史記持，就袂會當成做一個民族國家的準國民，無準國民就無國民國家，台灣就會繼續干單是一個地區/地域的名稱，無法度成作一個真正的國家。

今仔日是224，是烏克蘭受俄羅斯侵略的日子，戰爭已經滿二年，犧牲真大，毋過，就蓋成烏克蘭國歌講的，「烏克蘭猶原佇人間」，想起來予人心會痛會驚，烏克蘭的國民勇敢起來抵抗俄羅斯的侵略，若換作咱台灣，咱會仝款勇敢起來抵抗無？台灣佇歷史上，對外來政權的統治或者是侵略，一直攏有抵抗，但是咱的歷史教育基本上無佇咧教抵抗，這嘛是咱真大的危機。77冬前佇二二八，咱嘛有激烈的抵抗，比如：二七部隊、水上機場事件、虎尾機場戰役、斗六街內的戰役，以及北港自治聯軍古坑崁腳罹難事件等等。歷史上有抵抗，但是無人知影有抵抗，按呢，受侵略的時，人民敢會起來抵抗？

搶救歷史的記持、發揚抵抗的精神，是二二八七十七周年予人的工課，各位有志，咱作伙拍拚！！.

照片一：戰車上，右：林宗正牧師，左：周婉窈；前面中間拉布條：潘信行先生/嘉義二二八受難者潘木枝醫師的七子（翁麗淑老師拍攝/提供）

照片二：短講中（邱萬興先生拍攝/提供）